Leikurinn er lífstjáning og mikilvægasta náms- og þroskaleið barnsins. Flest félagsleg tengsl lærast í gegnum leikinn. Í honum lærum við að deila hlutum, samgleðjast, samhryggjast, vinna saman og virða náungann.
 

Opið leikefni eins og kubbar, leir, vatn, sandur, málning, litir, skæri o.fl. bjóða ekki upp á fyrirfram ákveðnar lausnir eins og hefðbundin leikföng gera oft. Þessi efniviður er góð viðbót við þau leikföng sem börnin eiga heima hjá sér.  Þau læra frekar að bjarga sér með opið leikefni og hugmyndaflug þeirra eykst í leik.